გრიგოლ ორბელიანი “თამარ მეფის სახე ბეთანიის ეკლესიაში” - 24 თებერვალში 2009 - Personal site
ხუთშაბათი, 2016-12-08, 1:07 AM
საიტის მენიუ
სიახლეების განყოფილება
პროგრამები [3]
ფილმები [0]
თამაშები [1]
მუსიკები [0]
ელექტრონული წიგნები [0]
სახელების ისტორია [3]
მოთხრობები [0]
გიორგი
მოთხრობები,ლექსები და პოემები [31]
შესვლის ფორმა
სიახლეების კალენდარი
«  თებერვალი 2009  »
ორსამოთხხუთპარშაბკვ
      1
2345678
9101112131415
16171819202122
232425262728
ძებნა
საიტის მეგობრები
ჩვენი გამოკითხვა
Rate my site
სულ პასუხი: 203
მთავარი » 2009 » თებერვალი » 24 » გრიგოლ ორბელიანი “თამარ მეფის სახე ბეთანიის ეკლესიაში”
გრიგოლ ორბელიანი “თამარ მეფის სახე ბეთანიის ეკლესიაში”
8:07 PM
თამარ მეფის სახე ბეთანიის ეკლესიაში


შენს წმინდა სახეს, 

შვენებით სავსეს, 

სახიერებით განსხივებულსა, 

ვუმზერ კრძალვითა, 

თაყვანცემითა, 

ცრემლ-მორეული გემთხვევი ფერხთა! 

მიხარის — გიმზერ, 

ვჰსწუხვარ — და გიმზერ, 

და ესრეთ მზერა მსურს სიკვდილამდე, 

არ გამოვფხიზლდე, 

რომ აღარ ვჰგრძნობდე 

ჩემი სამშობლოს სულით დაცემას!.. 

ყვავილოვანი 

წალკოტი შენი, 

შენის დიდების სხივ-მოკლებული, 

აღარა ჰშვენის, 

აღარ გვიბრწყინვის 

შავ დროთა ძალით, ფერ წახდენილი!.. 

და, ვით განვლილსა 

სიზმარსა ტკბილსა, 

მზეს დიდებულად ჩასვენებულსა, 

ვიგონებთ შენს დროს, 

გული გვიმაგროს, 

სრულად არ წავჰსწყდეთ ცის შემრისხავნი! 

ხნით დამაშვრალი, 

დაღონებული, 

შენადვე, მეფევ, მოველ ვედრებით: 

მოხედო ბედკრულს 

შენს სატრფოს — მამულს, 

და ჯვარითა შენით აკურთხო კვალად. 

შენი ივერი 

აღსდგეს ძლიერი, 

და დადგეს ერად სხვა ერთა შორის, 

წმიდით საყდარით, 

ენით მდიდარით, 

სწავლისა შუქით განათებული! 

ზნე ამაღლებით, 

ძლევის დიდებით, 

სამშობლო მიწის სიყვარულითა! — 

და გაგვიცოცხლდეს, 

რომ კვლავც მოგვესმეს 

სიტყვა ქართული რუსთაველისა. 

რომ განვიღვიძნეთ, 

სულით განვახლდეთ, 

და განქრეს ბნელი უმეცრებისა!.. 

...მარამ ცად თვალნი 

გაქვს მიქცეულნი, 

და მე ვეღარ მცნობ გულ-შემუსვრილსა, 

დამცირებულსა, 

ხმა-მიღებულსა, 

ბედ-დაკარგულის ივერიის ძეს! 

ეჭვით აღვსილსა, 

უსასოდ ქმნილსა, 

გულ-უიმედოს, გაუხარებელს!.. 

ვაჰ თუ რაც წახდეს 

ვეღარა აღჰსდგეს, 

ვეღარ აღყვავდეს ახლის შვენებით? 

და რაც დაეცა 

ის წარიტაცა 

შავმან ყორანმა ვით უმწე მსხვერპლი! 

ჰე, ცრუ სოფელო, 

დაუნდობელო, 

შენში კეთილი სად არს ფერ-უცვლელ? 

დიდება ჩვენი, 

ცად სხივ-მიმფენი, 

ნუთუ ესღა გვაქვს, ვჰხედავთ რასაცა? 

დაყრუებულსა, 

გზა შეუვალსა, 

უდაბურს ტყეში ტაძარს დარღვეულს, 

სად სახე მეფის, 

დიდის თამარის, 

სჩანს ძველს კედელზე გამოხატულად!.. 


1877 წ.


კატეგორია: მოთხრობები,ლექსები და პოემები | ნანახია: 4491 | დაამატა: begliti | რეიტინგი: 4.7/31 |
სულ კომენტარი: 0